БИШКЕК, 4-фев. — Sputnik. Тышкы иштер министрлиги Кытайдагы эпидемиологиялык кырдаалга байланыштуу элчиликтин ыкчам штабы иштеп жатканын эскертти.
Андагы кызматкерлер кыргызстандыктарды күнү-түнү кабыл алып, телефон чалууларга жооп берет жана алардын туугандарына керектүү маалыматтарды берип турат. Ошондой эле мүмкүн болушунча тиешелүү жардам көрсөтөт.
"ТИМ жана Кытайдагы элчилик мекендештерди Кыргызстанга алып келүү үчүн ар кандай багыттар боюнча иш алып барууда. Анын алкагында Кытайдын Тышкы иштер министрлиги жана башка мамлекеттик органдары, ошондой эле мамлекеттик өнөктөштөр менен сүйлөшүүлөр уланууда. WeChat мессенджеринде Кытайда жүргөн кыргызстандык студенттердин тайпалары түзүлгөн. Анын ар биринде 200дөн 500гө чейин студент жана элчиликтин кызматкерлери бар экенин белгилейбиз", — деп айтылат маалыматта.
3 Бирдин айы 2020, 18:11
Ошондой эле министрлик Кытайда эл көп топтолгон жерлерге барбаганга, жергиликтүү бийликтин жана медициналык мекемелердин айткан кеңештерин угууга чакырды.
ТИМ кырдаал жөнгө салынганга чейин Кытайга баруудан баш тартууну дагы бир ирет сунуштады.
Ал эми Кытайда жүргөн кыргызстандыктардан дайын-дарегин жана телефон номерлерин билдирип коюуну өтүнөт.
ТИМдин Консулдук кызмат департаментинин дареги: Бишкек шаары, Тоголок Молдо көчөсү 10, (+996 312) 663405 (кошуу 105, 109, 119), 660811 (кошуу 105, 109, 119).
- Түз байланыш: +996 551 312000 (чалууларды, WhatsApp, Viber, Telegram мессенджерлери аркылуу билдирүүлөрдү кабыл алат).
- Кыргызстандын Кытайдагы элчилигинин дареги: H 10/11 King"s Villas № 18, Xiaun Road, Beijing 100016, China.
- Кызматтык телефон (+86 10) 64681297, e-mail: kgembassy.cn@mfa.gov.kg.
- Ыкчам байланыш: +86 132 602 03680; +86 135 819 02801.
- Гуанчжоу шаарындагы Башкы консулдуктун дареги Room No. 707, Grand Tower No. 228, Tianhe Road, Guangzhou, 510620, China.
- Кызматтык телефон: (+86 20) 38013875, e-mail: kgconsulate-guangzhou@mfa.gov.kg.
- Ыкчам байланыш: +86 139 250 51627; +86 186 660 93015.
- ТИМдин Үрүмчү шаарындагы визалык пункту: №876, Davan Bei, Urumqi city, China, 830063, e-mail: kgconsulate.urumchi@mfa.gov.kg,
- Ыкчам байланыш: +86 133 256 29147; +86 185 990 44747.
