Кыргызстан коронавирус чыккан Кытайга гуманитардык жардам берүүгө белсенүүдө

Жазылуу
Мухаммедкалый Абылгазиев коронавирустун жайылышына жол бербөө боюнча республикалык штабдын отурумун өткөргөн.

БИШКЕК, 3-фев. — Sputnik. Кыргыз өкмөтү коронавирус менен күрөшүп жаткан Кытайга гуманитардык жардам берүүгө белсенип жатат. Бул тууралуу өкмөттүн маалымат кызматы билдирди.

Бүгүн премьер-министр Мухаммедкалый Абылгазиев коронавирустун жайылышына жол бербөө боюнча республикалык штабдын кезектеги отурумун өткөргөн.

Медики осматривают пациента зараженного коронавирусом - Sputnik Кыргызстан
Коркпош керек! Коронавирустан толук айыккан алгачкы аялдын маеги
Саламаттык сактоо министри Космосбек Чолпонбаевдин айтымында, өлкөдө бул илдетти жуктуруу фактысы катталган эмес, эпидемиологиялык кырдаал туруктуу. Жакын арада кыргызстандык дарыгерлер россиялык жана кытай кесиптештеринен коронавирусту бир нече сааттын ичинде аныктай ала турган атайын реагенттерди күтүп жатышат.

Абылгазиев дарыканалардын үзгүлтүксүз иштөөсүн камсыз кылуу, бет кап жана вируска каршы дары-дармектердин баасын жогорулатпоо үчүн мониторинг жүргүзүү керектигин эске салган.

"Биз коронавирус инфекциясынан тез арада арылуу максатында кытай тарап менен тыгыз кызматташуу багытын колдойбуз. Кытайдын бийлиги вирустун жайылышын токтотуу жана анын кесепеттерин азайтуу боюнча иш-чараларды активдүү жүргүзүп жатат. Тышкы иштер министрлиги, Саламаттыкты сактоо министрлиги жана Өзгөчө кырдаалдар министрлиги кытайлык өнөктөштөргө гуманитардык жардам көрсөтүү маселесин иштеп чыгуусу зарыл", — деди өкмөт башчы.

Ошондой эле ал эпидемиологиялык кырдаалга күн сайын мониторинг жүргүзүү, Кытайдан жана үчүнчү өлкөлөрдөн келген жарандарга тыкыр көзөмөл жүргүзүүгө тапшырма берген.

Соңку маалымат боюнча Кытайда коронавирус жуктурган 361 адам каза таап, 15 миңге чукул киши ооруп жатат. Бейтапканадан айыгып чыккандардын саны — 340. Аталган илдет Кытайдан тышкары 25тей мамлекетке жетип, 100дөн ашык адам жуктурган.

Ухань, чыда, кайрат кыл!. Кыргызстандык кыз вирус тараган жерден видео жөнөттү - Sputnik Кыргызстан
"Ухань, чыда, кайрат кыл!". Кыргызстандык кыз вирус тараган жерден видео жөнөттү
Ушу тапта бардык чек аралардагы көзөмөл-өткөрүү жайларында, Бишкек менен Ош шаарларындагы аэропорттордо санитардык-карантиндик көзөмөл жайлары иштеп, Кыргызстанга келген жарандар тиешелүү текшерүүдөн өтүп жатышат. Кыргыз-кытай чек арасындагы өткөрүү бекеттери убактылуу жабылып, аба каттамдары токтотулган.

Өкмөт тарабынан коронавирустун өлкө аймагында жайылышын алдын алуу үчүн иш-чаралардын планы бекитилген. Саламаттыкты сактоо министрлиги бет кап жана вирустук инфекцияларга каршы дары-дармектер жетиштүү экендигин эскерткен.

Соңку маалыматтарга токтолсок, кечээ, 2-февралда, Кытайдын Ухань шаарынан кыргызстандык 18 студентти алып келишти. Учурда алар Бишкектин четиндеги ооруканалардын биринде карантинде турушат.

Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери

Жаңылыктар түрмөгү
0