БИШКЕК, 4-фев. — Sputnik. Хэйлунцзян провинциясындагы Харбин шаарынын ооруканасында коронавирус менен ооруган аял ден соолугу жакшы кыз төрөдү. Бул тууралуу жергиликтүү ECNS маалымат порталы жазып чыкты.
3 Бирдин айы 2020, 18:11
Келин кош бойлуулуктун 38-жумасында экени айтылат. Бейтаптын абалы күндөн күнгө начарлап бара жаткандыктан дарыгерлер операция жасоону чечишкен. Натыйжада 3,05 килограмм салмактагы кыз жарыкка келди. Наристе карантинде, эки ирет коронавируска алынган анализ анын саламаттыгы жайында экенин тастыктады.
Ушу тапта эне-баланын абалы туруктуу деп бааланууда.
Акыркы маалымат боюнча коронавирус дартын жуктуруп алгандардын саны 20 миңден ашып, 420дан ашуун киши каза тапты. Басымдуу бөлүгү Кытайда. Дүйнөлүк саламаттык сактоо уюму 2019-nCoV вирусунун жайылышын эл аралык маанидеги өзгөчө кырдаал деп атады.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери
