БИШКЕК, 28-янв. — Sputnik. Быйыл Россия-Кыргыз өнүктүрүү фонду кыргыз-орус бизнес долбоорлорун каржылоону пландап жатат. Бул тууралуу фонддун башкаруучулугунун төрагасынын орун басары Олег Кудяков журналисттер менен болгон жолугушуу учурунда билдирди.
Ал быйыл Кыргызстан менен Россиянын кайчылаш жылы экенин эскертти.
"Сөз бирдиктүү бизнес долбоорлор жөнүндө болуп жатат. Ага Россияга продукцияларды экспорттоо жана россиялык технологияларды импорттоо дагы кирет", — деди Кудяков.
Мындан сырткары, жазында эки өлкөнүн ишкерлери менен биргеликте бизнес-форум өткөрүү пландалып жатат.
