Коронавирус дүйнөгө кантип тарап жатканын Sputnik агенттигинин интерактивдүү картасынан көрүңүздөр.
Жон Хопкинс университетинин алдындагы Системалуу иликтөө жана инжиниринг борборунун маалыматы боюнча, 27-январга карата төрт жарым миңден ашык кишиге вирус жуккан.
Жалпысынан 100дөн ашуун адам көз жумган. Алардын бардыгы Кытайдын жашоочулары. Илдеттен 60тан көп бейтап айыгып чыкты.
Вирус 17 өлкөгө, анын ичинде Австралия, Вьетнам, Непал, Сингапур, АКШ, Таиланд, Франция, Түштүк Корея жана Японияга жетти. Кыргызстанда коронавирус менен жабыркагандар каттала элек.
Бүгүнкүн күндө оорунун дабасы табылбай жатат. Дарыгерлер вирустун алгачкы белгилери суук тийүү менен сасык тумоого окшош болорун айтып беришкен.
