БИШКЕК, 20-янв. — Sputnik. Борбор калаада дзюдо боюнча өлкө биринчилиги өтөт. Бул тууралуу аталган спорттун түрү боюнча федерациядан билдиришти.
Маалыматка ылайык, чемпионат 30-31-январь күндөрү Бишкек шаарындагы "Газпром" ден соолукту чыңдоо борборунда уюштурулуп, спортчулар 29-январда "Спартак" стадионунда таразага түшөт.
Мелдеште өлкө аймагынан чогулган ондогон мыкты эркек жана аял спортчулар ат салышат. Жалпы жонунан 14 комплект медаль ойнотулат.
Спорттук иш-чараны Жаштар иши, дене тарбия жана спорт мамлекеттик агенттиги, Дзюдо боюнча улуттук федерация уюштурууда.
