БИШКЕК, 19-янв. — Sputnik. 20-январда тоолуу райондордо кар жаашы ыктымал, калган өрөөндөрдө күн ачык болот. Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн.
Жолдор тайгак жана тоңголок болот. Батыштан соккон шамалдын ылдамдыгы секундасына 3-8 метрге жетет. Бул тууралуу Кыргызгидромет билдирди.
Маалыматка ылайык, абанын температурасы Чүйдө -2…+3, Таласта -4…+1, Ысык-Көлдө 0…-5 градус суук болот.
Ал эми Ош, Баткен жана Жалал-Абад облустарында -1…+4, Нарын жергесинде -12…-17 градуска чейин суук болушу ыктымал.
Бишкек жана Ош шаарларында жаан-чачын жаабайт, күндүн табы борбор калаада -1…+1 градуска жетсе, Ошто бул көрсөткүч 0…+2 градусту түзөт.
