БИШКЕК, 8-янв. — Sputnik. АКШнын президенти Дональд Трамп Ирандын ракеталык чабуулу боюнча шаршемби күнү эртең менен (биздин убакыт боюнча шаршемби күнү кечинде) билдирүү жасайт. Бул тууралуу РИА Новости жазды.
"Баары жайында. Иран Ирактагы эки базага ракета коё берди. Азыр жабырлангандар барбы, кандай зыян келтирилди деген нерселерди тактап жатабыз. Бирок баары жакшы! Мен эртең билдирүү менен чыгам", — деп жазган социалдык тармактагы баракчасына.
All is well! Missiles launched from Iran at two military bases located in Iraq. Assessment of casualties & damages taking place now. So far, so good! We have the most powerful and well equipped military anywhere in the world, by far! I will be making a statement tomorrow morning.
— Donald J. Trump (@realDonaldTrump) 8 января 2020 г.
Генералдын өлүмү жана өч алуу
Бүгүн, 8-январда, Ирактын батышында жайгашкан АКШнын "Аль-Асад" аскердик базасы ракеталык чабуулга тушукканы маалым болду. Ирандын Ислам революциясын коргоочулар корпусу (ИРКК) соккуну алар жасаганын жар салды. Чабуул генерал Касем Сулейманинин өлүмү үчүн өч алуу болуп саналары белгиленди. Ирандын Ислам революциясынын колдоочулар корпусу аларга каршы согуштук аракеттерди көрүү үчүн аймагын АКШга пайдаланууга берип жаткан мамлекеттерге да жооп катары сокку жасаларын билдирди.
