БИШКЕК, 4-янв. — Sputnik.
Жекшемби күнү республика боюнча күн ачык болот. Чүй, Ош, Жалал-Абад, Баткен облустарынын кээ бир райондорунда туман түшүшү мүмкүн. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Маалыматка ылайык, абанын температурасы Чүй, Талас, Ош, Жалал-Абад жана Баткен облустарында +3...+8 градус, Ысык-Көлдө 0...+5 градуска чейин жылуу болот. Ал эми Нарын өрөөнүндө -8...-13 градус суук болору айтылды.
Ош жана Бишкек шаарларында жаан-чачын күтүлбөйт. Күндүн табы +5...+7 градусту көрсөтөт.
