БИШКЕК, 20-дек. — Sputnik. Кыргызстандын жасалма паспортун колдонду, жихадга катышты жана чек арадан мыйзамсыз өттү деп шектелген чет өлкөлүк жаран Бишкектен кармалды. Бул тууралуу УКМКнын маалымат кызматы билдирди.
Ага ылайык, колго түшкөн жаран 1981-жылы туулган.
Аталган факт Кылмыш жана жоруктардын бирдиктүү реестрине катталды. Шектүү жаран УКМКнын убактылуу тергөө жайына киргизилди.
Учурда тергөө амалдары жүрүп жатат.
