БИШКЕК, 17-дек. — Sputnik. Экоактивист Грета Тунберг Twitter баракчасына "эл толо" поезддеги сүрөтүн жарыялаган. "Немец темир жолдорунун" комментарийинен кийин окуучунун биринчи класстагы вагондо кеткени белгилүү болду.
Сүрөт кыз Мадридден Стокгольмго кайтып келе жатканда, 15-декабрда, социалдык тармактагы баракчасына жайгаштырылган. Кадрдан анын сумка, чемодандардын арасында вагондун полунда отургандыгын көрүүгө болот.
Traveling on overcrowded trains through Germany. And I’m finally on my way home! pic.twitter.com/ssfLCPsR8o
— Greta Thunberg (@GretaThunberg) 14 декабря 2019 г.
Бир нече сааттан кийин эл ташыган Deutsche Bahn компаниясы ага климаттын өзгөрүшүнө каршы күрөшүп, "экологиялык поездди" тандаганына ыраазылык билдирген.
"Мындан сырткары, компетенттүү жана илбериңкилик менен кызмат көрсөткөн биринчи класстагы вагондо келгениңизди да айтып койсоңуз мындан да жакшы болмок", — деп жазган компания.
Мындан кийин Twitter колдонуучулары Тунбергди сындап, ал эми вагондун полунда отурганын PR-кайырмак деп аташты. Кыз биринчи класстагы вагонго Гёттингенде гана отурганын, ага чейин эки башка поезддин полунда отургандыгын айткан.
