БИШКЕК, 14-дек. — Sputnik. YouTube видеохостинги башкаларды мазактаган жана коркуткан видеолорго карата талапты катуулатат. Бул тууралуу компаниянын вице-президенти Мэтт Халприн расмий билдирди.
Эми түзмө-түз же кыйыр түрдө коркунуч чакырыктар камтылган видеолор өчүрүлөт. Андан сырткары, башка бирөөгө кордук көрсөтүүгө үндөгөн роликтер дагы жок кылынат.
25 Жетинин айы 2019, 21:08
Вице-президент ошондой эле кимдир бирөөнү расасына, сексуалдык ориентациясына карата билип туруп мазактаган видеолордун жарыялануусуна жол берилбей турганын айтты.
Мындай видеолорду жүктөгөндөргө алгач эскертүү берилип, дагы кайталана турган болсо канал толугу менен өчүрүлөт.
Эми компания видеолордун алдындагы комментарий бөлүмү да тыкыр көзөмөлгө алынарын эскертет. Видеону жарыялагандар өздөрүнүн каалоосуна жараша комментарий жазууга тыюу сала алат.
