БИШКЕК, 6-дек. — Sputnik. Мамлекет башчы Сооронбай Жээнбеков мектептерде окуучулардын тамактануусун уюштуруу боюнча мыйзамга кол койду. Бул тууралуу президенттин маалымат кызматынан билдиришти.
Аталган мыйзам үстүбүздөгү жылдын 23-октябрында Жогорку Кеңеш тарабынан кабыл алынган.
"Документ мамлекеттик, муниципалдык жана жеке жалпы билим берүү уюмдардагы башталгыч класстардын окуучуларына тамактанууну уюштуруу тартибин аныктайт", — деп айтылат маалыматта.
Мыйзамдын максаты — окуучулардын тамактануусун меню боюнча уюштуруу жана балдарды жаш курагына дал келген азык менен камсыздоо.
