БИШКЕК, 6-дек. — Sputnik. Россия президенти Владимир Путин германиялык ишкерлер менен жолугушуу учурунда орус тилинен немец тилине өтүп кетти.
Россия лидеринин сүйлөп жаткан учурун журналист Дмитрий Смирнов жарыялаган.
«Was ist los?»: На встрече с немецким бизнесом не заработал перевод, и Путин перешел на немецкий сам pic.twitter.com/fHtIFS99sB
— Дмитрий Смирнов (@dimsmirnov175) 6 декабря 2019 г.
Жолугушуу Бочаров Ручей резиденциясында өткөн. Соода-экономикалык багыттагы Россия-Германия мамилесин талкуулап жаткан маалда немец ишкеринин синхрондук котормо кулакчыны иштебей калган.
РИА Новости маалымдагандай, россиялык лидер Германия Россиянын маанилүү экономикалык өнөктөштөрүнүн бири экенин белгилеп, Москва мындан ары да эки тараптуу мамилелерди өнүктүрүүгө кызыкдар экенине токтолгон.
Путиндин айтымында, бүгүнкү күндө Германиянын Россия экономикасына жасаган инвестициясы 20 миллиард доллардан ашат, ал эми Россиянын Германияга салган акчасы 10 миллиард доллардын тегерегинде.
