БИШКЕК, 1-дек. — Sputnik. Дүйшөмбү күнү, 2-декабрда, күндүз айрым райондордо жаан, кар, тоо этектеринде жана тоолуу райондордо кар жаайт. Жолдор тайгак жана тоңголок болот. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Маалыматка ылайык, абанын температурасы Чүй, Талас жергелеринде +2...+7 градус жылуу, Нарын аймагында 0...-5 градус суук, Ысык-Көлдө 0...+5, Ош, Баткен жана Жалал-Абад облустарында +4...+9 градус жылуу болот.
Бишкекте жамгыр, кар жаашы мүмкүн, Ош шаарында күн ачык болот. Борбор калаада күндүн табы +4…+6, Ошто +7…+9 градус жылуу болору болжолдонду.
