БИШКЕК, 29-ноя. — Sputnik. 1-2-декабрда түнкүсүн жаан-чачын жаабайт. Бул тууралуу Кыргызгидрометтен билдиришти.
2-декабрда эртең менен жана күндүз кээ бир райондордо жаан, кар жаайт, тоолуу райондордо жана тоо этектерине дагы кар түшөт. Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрге жетет.
3-4-декабрда күндүз жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн. Жолдор тайгак жана тоңголок болот. Батыштан соккон шамалдын ылдамдыгы секундасына 2-7 метрге жетет.
5-декабрда жана 6-декабрда түнкүсүн жаан-чачын күтүлбөйт. 6-декабрда күндүз кээ бир тоолуу райондордо кар жаашы мүмкүн. Дыйканчылык аймактарда жаан-чачын болбойт. Абанын температурасы өзгөрүп турат.
