БИШКЕК, 13-ноя. — Sputnik. Бишкектеги жерлерди инвентаризациялоо аракети жана жаңы конуштардын бирдиктүү реестрин түзүү иштери улантылууда. Бул тууралуу мэриянын маалымат кызматы билдирди.
Ага ылайык, курулуш жана архитектура боюнча вице-мэр Уланбек Азыгалиев Биринчи Май районунун тургундары менен жолуккан. Ага мэрия кызматтарынын өкүлдөрү, Мамлекеттик каттоо кызматынын жер маселеси жана жаңы конуштардагы жер тилкелерин аныктоо боюнча бөлүмүнүн кызматкерлери катышкан.
Учурда муниципалитеттин кызматкерлери Көлмө, Алтын-Бешик жана Балбал-Таймаш конуштарындагы тийиштүү иштерди аяктады. Учурда Мурас-Ордо конушунда иштер жүрүүдө.
Мындай иштер ар бир конушта макулдашылган график менен жасалмакчы.
