БИШКЕК, 2-ноя. — Sputnik. Чолпон-Ата шаарындагы "Рух Ордо" комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду.
Эстеликтин ачылыш аземи бүгүн, 2-ноябрда, болду. Аталган иш-чарага коомдук ишмерлер жана бийлик өкүлдөрү, президенттик аппараттын жетекчисинин орун басары Курманбек Дыйканбаев, өкмөттүн Ысык-Көл облусундагы өкүлү Акылбек Осмоналиев катышты.
![Чолпон-Ата шаарындагы Рух Ордо комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду. Чолпон-Ата шаарындагы Рух Ордо комплексине Кыргыз Эл Баатыры, мамлекеттик ишмер Турдакун Усубалиевдин айкели орнотулду. - Sputnik Кыргызстан](https://sputnik.kg/img/104612/57/1046125740_0:0:1280:805_600x0_80_0_0_d30ac6021746dd5d991353725fa5cc54.jpg)
![Эстеликтин ачылыш аземи бүгүн, 2-ноябрда, болду. Аталган иш-чарага коомдук ишмерлер жана бийлик өкүлдөрү, президенттик аппараттын жетекчисинин орун басары Курманбек Дыйканбаев, өкмөттүн Ысык-Көл облусундагы өкүлү Акылбек Осмоналиев катышты. Эстеликтин ачылыш аземи бүгүн, 2-ноябрда, болду. Аталган иш-чарага коомдук ишмерлер жана бийлик өкүлдөрү, президенттик аппараттын жетекчисинин орун басары Курманбек Дыйканбаев, өкмөттүн Ысык-Көл облусундагы өкүлү Акылбек Осмоналиев катышты. - Sputnik Кыргызстан](https://sputnik.kg/img/104612/57/1046125734_0:0:1280:805_600x0_80_0_0_e7ad34d38845745ab005a27691f44faf.jpg)
Мамлекеттик ишмердин айкели демөөрчүлөр тарабынан жасалып, 100 жылдык мааракесине карата тургузулган.
Туурдакун Усубалиев 1961-жылдан 1986-жылга чейин Кыргызстан Компартиясынын борбордук комитетинин биринчи секретары болуп иштеген. Тагыраагы, Кыргызстанды 25 жыл жетектеп турган. Ал 2015-жылы 7-сентябрда 96 жашында узак оорудан кийин дүйнө салды.
Көрүнүктүү мамлекеттик ишмердин 100 жылдыгы өлкөнүн булуң-бурчунда белгиленип, ага карата бир топ иш-чаралар уюштурулууда.