Радиостудия Sputnik Кыргызстан в Бишкеке - Sputnik Кыргызстан
Радио

Турдуматов: ача туяктууларга 9 жылга чейин аңчылык кылууга тыюу салынган

© Sputnik / Эркин СадыковЗавотделом Госагентства охраны окружающей среды и лесного хозяйства Талант Турдуматов
Завотделом Госагентства охраны окружающей среды и лесного хозяйства Талант Турдуматов - Sputnik Кыргызстан
Жазылуу
Биотүрдүүлүктү сактоо жана өзгөчө корголуучу жаратылыш аймактары департаментинин бөлүм башчысы Талант Турдуматов өлкөдө сейрек кездешчү жаныбарларды атууга болгон тыюу облустарга кезек-кезеги менен киргизилип жаткандыгын айтты.
Турдуматов: ача туяктууларга 9 жылга чейин аңчылык кылууга тыюу салынган

2017-жылкы өкмөттүн токтомуна ылайык, ача туяктуу жаныбарларга аңчылык кылууга тогуз жылга тыюу салынган. Мындай мыйзам учурда Талас жана Жалал-Абад облустарында иштеп жатат. Бул тууралуу Талант Турдуматов Sputnik Кыргызстан радиосунун таңкы эфиринде маек куруп жатып билдирди.

Анын айтымында, өлкөдө мергенчиликке ылайыкташкан жер аянты 14,5 миллион гектарды түзсө, анын 6,5 миллиону Курчап турган чөйрөнү коргоо мамлекеттик агенттигине карайт.

"Курчап турган чөйрөнү коргоо жана токой чарбасы мамлекеттик агенттигине караган 6,5 миллион гектар жерде аңчылык кылууга толугу менен тыюу салынган. Мындан сырткары, мергенчиликке берилчү квоталар да 80 пайызга кыскартылган. Ошондой эле 2017-жылдан баштап ача туяктуу жаныбарларга жана уларга аңчылык кылууга облустарга бөлүп мораторий киргизүү мыйзамы иштеп жатат. Ага ылайык, учурда Талас, Жалал-Абад облустарында, Чүйдүн төрт районунда эки жылдан бери аталган жандыктарды атууга тыюу салынган. 2020-жылдан тарта бул мыйзам Ош жана Баткен облустарында, кийинки үч жылдыкта Нарын жана Ысык-Көл аймактарында күчүнө кирет. Мыйзамдын максаты — жаныбарлардын көбөйүүсүнө аңчылыктын тийгизген таасирин аныктоо", — деди Турдуматов.

Ал мыйзамда белгиленген тогуз жылдык мөөнөт аяктаган соң жапайы жаныбарларды атууга болгон мораторий тууралуу маселе көтөрүлсө туура болорун кошумчалады.

Виджет news
Жаңылыктар түрмөгү
0