БИШКЕК, 28-окт. — Sputnik. Бишкектин мэри Азиз Суракматов шаардыктардын үйүнө жылуулук берүүнү тапшырды. Бул туурасында муниципалитеттин маалымат кызматынан билдиришти.
Мэрия күзгү-кышкы сезонго даярдык боюнча жыйын өткөргөнү жатат. Чогулуш качан болору айтыла элек.
Суракматов дем алыш күндөрү вице-мэрлер менен биргеликте райондордун кышка даярдыгын текшерген. Ал калаа тургундары, мектеп жана бала бакча директорлору менен жолугуп, имараттын, класстардын жылуулугу кандай болуп жатканына кызыкты.
Мэр орун басары Мирлан Амантуровго жыйын өткөрүүгө даярдык көрүп, шаардыктарга жылуулук берүү боюнча тапшырма берген.
Буга синоптиктер жакынкы убакта суук түшөрүн айтышкан.
