БИШКЕК, 15-окт. — Sputnik. Октябрь айынын башына карата алынган статистика боюнча Кыргызстандын акчасы азайып кетти. Муну Улуттук банк жарыялаган колдонуудагы акчалар боюнча үч көрсөткүч тастыктап турат. Анда колдонуудагы акча, акча базасы, кеңири аныктамадагы акча базасы каралган.
Жыл башында рекорд коюлуп, бирок көлөмү бир аз азайган. Анткен менен июнь-июль айларында рекорд артынан рекорд коюлду. Ал эми сентябрдын башында дагы бир ирет жогорку чекке чыкты. Мурдагы айларга салыштыра келгенде каражаттын көлөмү 2-4,7 миллиард сомго өскөн.
Колдонуудагы акча — бул насыя берүүчү уюмдардын кассасындагы калдык акчанын эсебин кошкондо элдин колундагы каражат болуп саналат.
Акча базасы — колдонуудагы жана финансылык (депозиттик) уюмдардын кордогу акчалары.
Кеңири аныктамадагы акча базасы — колдонуудагы жана ага кошумча резервдеги бардык каражаттар (чет элдик валюта жана сом), финансылык уюмдардын депозиттери.
