БИШКЕК, 14-окт. — Sputnik. 15-октябрда түнкүсүн Чүй, Талас, Жалал-Абад, Ысык-Көл, Нарын облустарында, Ош облусунун кээ бир райондорунда жаан, тоолуу райондорго кар жаашы мүмкүн.
Кыргызгидрометтин маалыматы боюнча, Баткен облусунда жаан-чачын болбойт. Күндүз Ысык-Көл облусунун кээ бир райондорунда жаан, тоолоруна кар түшөт, калган аймактарда күн ачык болот.
Абанын температурасы Чүйдө +11...+16, Талас жергесинде +13...+18, Ош, Жалал- Абад жана Баткен облустарында +17...+22, ал эми Ысык-Көл, Нарын өрөөндөрүндө +10...+15 градус жылуу болот.
Ош жана Бишкек калааларында жаан-чачын жаабайт. Күндүн табы Ошто +20...+22, борбор калаада +14...+16 градуска чейин көтөрүлөрү болжолдонду.
