Саясатчылар "Валдай" талкуу клубунун жалпы жыйынына катышты.
Токаев жыйын учурунда Казакстан 1991-жылдан тарта Семейдеги атомдук полигону жабылгандан кийин өзөктүк куралсыздандыруунун маанилүүлүгүн айтып баштаганын белгиледи. Бирок ал 1968-жылкы өзөктүк куралды жайылтпоо жөнүндөгү келишим иштебей жатканын белгиледи.
"Азыркы учурда өзөктүк куралга ээ болуу коопсуздукту жана өзгөчө экономикалык өнүгүү дегенди түшүндүрбөйт. Кээде өзөктүк куралы жок эле экономикага көп инвестиция тартып, дүйнө менен жакшы мамилени өнүктүрсө болот. Казакстан ушундай ыраатта иш алып барат", — деди Токаев.
Казак президентинин айткандарынан кийин Владимир Путин: "Саддам Хусейн дагы ошентип ойлогон", - деди.
