БИШКЕК, 30-сен. — Sputnik. Кыргызстандын Финансы министрлиги мекеменин башчысы Бактыгүл Жээнбаеванын иш бөлмөсү тинтүүгө алынганы тууралуу маалымат боюнча түшүндүрмө берди.
Аталган министрлик 26-сентябрда Финполициянын атайын даярдыктагы бөлүгү Сот өкүлчүлүгү борборунун акчаны туура эмес пайдаланганы боюнча документтерди алганы келип, тинтүүнү Жээнбаеванын кабинетинен баштаган деген маалыматтарды четке какты.
"Чындыгында 26-сентябрда Сот өкүлчүлүгү борбору тарабынан акчаны максатсыз пайдалануу боюнча документтерди алуу жүргүзүлгөн. Алар Жээнбаеванын кабинетин эмес, кызматтык колдонуу үчүн документтер сакталган жерди караган. Текшерүү министрликтин кызматкерлеринин катышуусунда өткөн", — деп айтылат маалыматта.
Документтерди алууга министр уруксат берген.
Буга чейин Жээнбаева суракка чакырылганы айтылган. Министрлик бул маалыматты төгүндөгөн да, тастыктаган да жок.
