Радиостудия Sputnik Кыргызстан в Бишкеке - Sputnik Кыргызстан
Радио

Изабеков: Айсулуу бетке айтат, ошонун айынан жаман көрүнөт

© Sputnik / Досхан НусубековКүрөш федерациясынын кыз-келиндер курама командасынын башкы машыктыруучусу жана Айсулуу Тыныбекованын жеке машыктыруусучу Нурбек Изабеков
Күрөш федерациясынын кыз-келиндер курама командасынын башкы машыктыруучусу жана Айсулуу Тыныбекованын жеке машыктыруусучу Нурбек Изабеков - Sputnik Кыргызстан
Жазылуу
Аялдар күрөшү боюнча дүйнө чемпиону Айсулуу Тыныбекова турмушта калыс адам, анын айынан кээде бетке айтып жаман көрүнүп аларын машыктыруучусу Нурбек Изабеков белгиледи.
Изабеков: Айсулуу бетке айтат, ошонун айынан жаман көрүнөт

Белгилүү балбан Айсулуу Тыныбекова интеллекти бийик, дипломат адам. Бул туурасында Sputnik Кыргызстан маалымат агенттигине кыз-келиндер күрөшү боюнча курама команданын башкы машыктыруучусу жана Айсулуу Тыныбекованын жеке машыктыруусучу Нурбек Изабеков маек куруп жатып билдирди.

Анын айтымында, окуучусу эл менен бат тил табышкандыктан чет өлкөлүк  да достору көп.

"Айсулуу жашоодо аябай калыс адам, адилеттүүлүктү жакшы көрөт. Анын кесепетинен кээде бетке айтып жаман көрүнөт. Өзү бир нерсени жаап-жашырып, бирөөгө кек сактап, жамандык кылбайт. Ички дүйнөсү таза, эч нерседен тайманбаган, эмгекчил, ойчул, барды бар, жокту жок деген адам. Мектепте жакшы окугандыктан интеллекти бийик, биз дагы анын аң-сезимин жогорулатуу үчүн китеп оку деп акыл-насаатыбызды айтабыз. Дипломат кыз. Эл менен бат тил табыша алат. Чет өлкөдө да спортчулар менен карым-катнаш түзүп, достошуп алат", — деп айтып берди Изабеков.

Чемпионат мира по спортивной борьбе в Нур-Султане - Sputnik Кыргызстан
Тыныбекова UWW рейтингинин сап башына чыкты. Эми айына 75 миң сомдон стипендия алат
Белгилей кетсек, сентябрь айынын ортосунда Нур-Султан шаарында күрөш боюнча дүйнө чемпионаты өтүп, Айсулуу Тыныбекова алтын байгеге ээ болгон. Натыйжада Бириккен күрөш уюмунда (UWW) өз салмагы боюнча (62 кг) рейтингдин сап башына чыга алган. Ошондой эле анын мамлекет тарабынан берилген стипендиясы 60 миң сомдон 75 миңге чейин көтөрүлгөн.

Спортчу мекенине кайтып келген соң өлкө президенти Сооронбай Жээнбеков ага үч бөлмөлүү үй тапшырган. Ошондой эле мамлекет башчы анын машыктыруучусун жана ата-энесин кошо сыйлаган.

Машыктыруучунун маегин толугу менен Sputnik Кыргызстан маалымат агенттиги даярдаган маектен окуй аласыздар.

Жаңылыктар түрмөгү
0