БИШКЕК, 26-сен. — Sputnik. Борбор калаада бүгүн шырдак жана ала кийиз жасоо боюнча көргөзмө жана каалоочулар үчүн мастер-класстар башталат. Бул тууралуу уюштуруучулар билдиришти.
Кыргызстандын жети облусунан келген чебер, уздар билген тажрыйбаларын бул өнөрдү үйрөнөм дегендерге айтып жана көрсөтүп берет.
28 Жетинин айы 2018, 17:03
Анда шырдак менен ала кийизге түшүрүлгөн оюулар, алардын түрлөрү, маани-маңызы, кандай оюу эмнени түшүндүрө тургандыгы боюнча да маалымат берилет. Мындан сырткары, каалоочулар кызыккан суроолоруна жооп алса болот.
Иш-чара үч күн бою Фрунзе үй-музейинде өтөт жана саат ондо башталып кечки беште аяктап турат.
Бул мастер-класс Кыргызстандын ЮНЕСКО иштери боюнча улуттук комиссиясы жана ЮНЕСКОнун Алматыдагы өкүлчүлүгү менен биргеликте уюштурулган.
Эске сала кетсек, 2012-жылы кыргыздын ала кийиз менен шырдагы ЮНЕСКОнун материалдык эмес маданий мурастарынын тизмесине кирген.
