БИШКЕК, 21-сен. — Sputnik. Премьер-министр Мухаммедкалый Абылгазиев үй-бүлөсү менен Бишкек шаарынын түштүгүндө жайгашкан "Ынтымак" паркынын аймагына бир нече көчөт отургузду. Бул тууралуу өкмөттүн маалымат кызматынан кабарлашты.
"Мен бүгүн атайын чыгып, борбор калаабызды жашылдандырууга өз салымымды кошууну чечтим. Бош жер турса, ал жакта эмне курууга боло турганын олуттуу ойлонуу керек, бул сөзсүз эле үй же башка объект болушу кажет эмес. Эл сейилдеп, таза аба менен дем алып, бош убактысын өткөрө турган эс алуу жайларына муктаж. Ошондуктан борборубузга эң жашыл шаарлардын бири деген атагын кайрадан кайтарууга умтулабыз", — деген Абылгазиев.
Ал өкмөттүн аппарат кызматкерлери жана "Эко Деми" фондусунун өкүлдөрү менен биргеликте Чыңгыз Айтматов проспектисиндеги таштанды тазалоо боюнча ишембиликке катышты.
2019-жылдын 21-сентябрында дүйнө жүзү боюнча, анын ичинде Кыргызстанда "Бүткүл дүйнөлүк тазалык күнү" (World Clean Up Day) глобалдык экологиялык жарандык акция өтүп жатат.
