БИШКЕК, 19 сен — Sputnik. Россиянын лидери Владимир Путин эртең, 20-сентябрда, мамлекет башчы Сооронбай Жээнбеков менен Оренбург шаарында жолугат. Бул тууралуу РИА Новости РФ президентинин маалымат катчысы Дмитрий Песковго шилтеме берип жазды.
"Президенттин конокторунун катарында Кыргызстандын өлкө башчысы Жээнбеков дагы болот. Ошондой эле алардын өз ара сүйлөшүүсү күтүлүп жатат", — деди Песков.
Президенттин аппарат кызматынан дагы Жээнбеков Оренбургда Путин менен жолугарын тастыкташты.
20-августта Песков Sputnik Кыргызстан маалымат агенттигине эки мамлекеттин башчылары Россияда өтө турган "Центр-2019" ири аскер машыгууларына барышы мүмкүн экенин билдирген.
Россиянын Коргоо министрлигинин маалыматы боюнча, машыгууга Кыргызстан, Казакстан, Тажикстан жана Өзбекстандын аскерлери тартылат.
