БИШКЕК, 19-сен. — Sputnik. 72 жаштагы эркек кишини сүзүп кетти делген айдоочу кармалганын ЖКККББнын маалымат кызматынан билдиришти.
Ушул жылдын 15-сентябрында болжол менен саат 22:00дөрдө Маевка айылында кичи автобустун айдоочусу пенсионерди сүзүп кетип, ал көз жумган. Милиция күбөлөрдүн жардамы менен шектүүнү издеген.
"Бүгүн, 19-сентябрда, "Коопсуз шаардын" жардамы менен бус табылып, анын 54 жаштагы айдоочусу кармалды", — деп айтылат маалыматта.
Шектүү Аламүдүн райондук ИИБге алынып келип, унаасы айып короого киргизилди.
