БИШКЕК, 19-сен. — Sputnik. Чүй облусунун Ивановка айылында жоголуп кетип, милиция издөө салган 12 жаштагы Ислам Айтымбетов аман-эсен табылды. Бул туурасында облустук милициядан кабарлашты.
Эске салсак, бала Ысык-Ата районунун Ивановка айылындагы үйүнөн саат 17:30дар чамасында чыгып кеткен боюнча кайрылып келбей, милиция түшкөн арыз боюнча издөө жарыялаган.
Тартип сакчылары Айтымбетовдун табылгандыгын жана ата-энесинин колуна берилгендигин кабарлашты.
