БИШКЕК, 10-сен. — Sputnik. Күрөш боюнча лицензиялык чемпионатка Кыргызстандан 22 балбан катышат. Бул тууралуу Жаштар иши, дене тарбия жана спорт агенттигинен билдиришти.
Аталган чемпионат 14-22-сентябрь күндөрү Нур-Султан шаарында өтөт. Андан 1-5-орунду ээлегендер 2020-жылкы Токио Олимпиадасына жолдомо алат.
Кыргызстандан грек-грим, эркин жана кыз-келиндер арасындагы күрөш менен машыккандар катышат.
Грек-рим күрөшү боюнча күч сынаша турган балбандар:
- Асан Сулайманов (30 жашта, 55 килограммга чейинки салмак категориясы);
- Каныбек Жолчубеков (30 жашта, 60 килограммга чейин);
- Тынар Шаршенбеков (22 жашта, 63 килограммга чейин);
- Амантур Исмаилов (23 жашта, 67 килограммга чейин);
- Руслан Царев (28 жашта, 72 килограммга чейин);
- Кайрат Түгөлбаев (27 жашта, 77 килограммга чейин);
- Калидин Асыкеев (22 жашта, 82 килограммга чейин);
- Атабек Азисбеков (24 жашта, 87 килограммга чейин);
- Үзүр Жусупбеков (23 жашта, 97 килограммга чейин);
- Мурат Рамонов (29 жашта, 130 килограммга чейин);
- Улукбек Карачолоков — улук машыктыруучу;
- Азат Эркимбаев — башкы машыктыруучу.
Эркин күрөш боюнча күч сынаша турган балбандар:
- Улукбек Жолдошбеков (23 жашта, 57 килограммга чейинки салмак категориясы боюнча);
- Алмаз Сманбеков (21 жашта, 61 килограммга чейин);
- Нургазы Абдуразаков (24 жашта, 65 килограммга чейин);
- Эламан Догдурбек уулу (26 жашта, 70 килограммга чейин);
- Илгиз Жакыпбеков (28 жашта, 74 килограммга чейин);
- Ойбек Насиров (30 жашта, 79 килограммга чейин);
- Алигаджи Гамидгаджиев (31 жашта, 86 килограммга чейин);
- Магомед Мусаев (30 жашта, 86 килограммга чейин);
- Сүймөнкул Таабалды уулу — улук машыктыруучу;
- Ислам Тазабеков — улук машыктыруучу;
- Русланбек Маджинов — башкы машыктыруучу.
Кыз-келиндер арасындагы күрөштө күч сынашчулар:
- Айсулуу Тыныбекова (26 жашта, 62 килограммга чейинки салмак категориясы);
- Айпери Медет кызы (20 жашта, 76 килограммга чейин);
- Мадина Надирова (24 жашта, 55 килограммга чейин);
- Нураида Анаркулова (19 жашта, 57 килограммга чейин);
- Байгазы Кенжебаев — улук машыктыруучу;
- Нурбек Изабеков — башкы машыктыруучу.
