БИШКЕК, 8-сен. — Sputnik. Малайзиянын мурдагы падышасы Мухаммад V "Москва сулуусу — 2015" сынагынын жеңүүчүсү Оксана Воеводинага үйлөнгөнүнө өкүнүп калганын айтты. Бул тууралуу New Straits Times гезитине шилтеме берип РИА Новости жазды.
"Жеке жашоомдо элимди дүрбөлөңгө салган окуялар болуп кеткенине өкүнөм. Ошондой эле мен тууралуу интернетке тарап кеткен туура эмес маалыматтарга ишенбегиле деп чакырар элем", — деген Мухаммад V.
Быйылкы жылдын апрель айында россиялык сулуу ислам динин кабыл алып, атын Рихана деп өзгөрткөн. Бирок жубайлар жай айларында ажырашып кеткен. Учурда экөө тең эмне себептен кол үзүшкөнүн ачык айта элек. Бирок айрым ЖМКлар Оксана Воеводина күйөөсүнүн көзүнө чөп салып жүргөнү билинип калган соң ажырашканын жазып чыгышкан.
