БИШКЕК, 5-сен. — Sputnik. Алдамчылыкка шектелген адвокат Икрамидин Айткуловдун сотко чейинки териштирүү иши аяктады. Бул тууралуу Бишкек ШИИБден кабарлашты.
Маалыматка караганда, Айткулов менен анын жактоочусу кылмыш материалдары менен таанышып жатат.
“Жакынкы аралыкта иш прокуратурага, андан ары сотко өтөт”, - деп айтылат маалыматта.
Андан кийин Айткуловго дагы бир айып тагылган. Анда доогер 2014-жылы Айткуловдун баласы 31 миң доллар карыз алып бербей жатканын айткан. Кийин карызды кайтаруу милдетин атасы мойнуна алып келишим түзгөн. Бирок акчаны бербей жүргөнү айтылат.
Белгилей кетсек, Айткулов акыркы учурда ИИМдин мурдагы орун басары Курсан Асановдун жактоочусу болуп жүргөн. Ал президентке, премьер-министрге кайрылып, Асановдун ишин иликтөө бүткөнгө чейин ички иштер министри Кашкар Жунушалиевди ээлеген кызматынан четтетүүнү суранган.
