БИШКЕК, 31-авг. — Sputnik. 2-3-сентябрда аба-ырайы бузулат. Мезгил-мезгили менен жаан жаап, күн күркүрөп, тоолуу райондордо кар жаашы мүмкүн. Бул тууралуу Кыргызгидрометтен билдирди.
Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетиши мүмкүн. Абанын температурасы төмөндөп, Чүй өрөөнүндө түнкүсүн +11…+16 градус, күндүз +19…+24 градус жылуу болот. Тоо этектеринде түнкүсүн +5…+10 градус, күндүз +13…+18 градус жылыйт.
Ысык-Көл ойдуңунда жана Нарын облусунун дыйканчылык аймактарында түнкүсүн +5…+10 градус, күндүз +15…+20 градус жылыйт. Тоолуу райондордо түнкүсүн +1…+6 градус, күндүз +9…+14° градус жылуу, бийик тоолуу райондордо түнкүсүн -4…-9 градус суук, күндүз +3…+8 градус жылуу болушу мүмкүн.
Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин, жайыттарда малды кармоону кыйындатат.
