БИШКЕК, 2-авг. — Sputnik. 3-августта Ысык-Көл, Нарын облустарында жана Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда өткүн өтүп, күн күркүрөшү мүмкүн. Бул туурасында Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй жана Таласта +33...+38, Ош, Жалал-Абад жана Баткен облустарында +34…+39 градус ысык болот.
Нарында +27...+32 жана Ысык-Көл жергесинде термометр +26...+31 градусту көрсөтөт.
Ош жана Бишкек шаарларында күн ачык болуп, абанын температурасы +36...+38 градуска жетет.
Ал эми Чолпон-Ата шаарында күндүз өткүн өтүп, күн күркүрөшү мүмкүн. Күндүн табы +26...+28 градус болору айтылды.
