БИШКЕК, 28-июл. — Sputnik. Украинанын башчысы Владимир Зеленскийдин президенттик администрациянын жетекчиси Андрей Богдан менен Одессадагы пляждардын биринде түшкөн сүрөтү украиналыктардын арасында кызуу талкуу жаратты. Бул тууралуу РИА Новости агенттиги жазды.
Посмотреть эту публикацию в Instagram
"Өлкөдө согуш, жаш жигиттер өлүп жатат, азык-түлүктүн баасы асманда. Ал эми президент пляжда жыргап жүрөт. Башка сөз жок", — деп жазды Алексей Черняховский.
"Пляжда тартылган сүрөт. Шаурма менен түшкөн сүрөт. Ниагаранын жанындагы сүрөт. Фонтандын жанындагы сүрөт. Мына сага, президент иштеп жатат", — деп Валентина Дервисис жазды.
Айрым колдонуучулар мамлекет башчысынын эс алып жатканы кадыресе эле көрүнүш экенин айтып, аны колдогон пикирлерин жазды.
"Порошенконун учурунда деле согуш болгон, бирок ал жашыруун түрдө Мальдив аралдарында эс алчу. Зеленскийдин буга чейин тапкан акчасы Одессада эс алганга жетет. Кишинин эс алууга акысы бар", — дейт 4annamamchur.
Интернет колдонуучулардын кээси президенттин жанында турган итти да байкашкан.
