Эксперттердин баамында, айыл чарба багытында колдонулган антибиотиктерге чектөө киргизилбесе, ал 2050-2060-жылдары дүйнөдөгү эң негизги көйгөйгө айланышы мүмкүн. Бул тууралуу Нурлан Абдыгулов Sputnik Кыргызстан радиосуна маек куруп жатып билдирди.
Анын айтымында, антибиотиктерди көп колдонгон организм улам андан күчтүүсүн талап кыла берет.
"Учурда мал ылаңдаганда аны антибиотиктер менен дарылоо адатка айланды. Фермерлердин көбү залалын жакшы түшүнбөй жатышат. Малдагы антибиотик эт, сүт азыктары менен адамга өтөт жана анын да ден соолугуна терс таасирин тийгизет. Мындан улам азыртадан тийиштүү чараларды көрүп, антибиотиктерден баш тартпасак, 20-30 жылдан кийин айрым оорулардын дабасын таба албай калышыбыз ыктымал", — деди Абдыгулов.
Ошондой эле ал ветеринар жана фермерлердин арасында антибиотиктер тууралуу окуулар жүрүп баштаганын кошумчалады.
