БИШКЕК, 19-июл. — Sputnik. Токтогул шаарында эки унаа кагышып, үч адам ооруканага жеткирилди. Бул тууралуу облустук Жол кыймылынын коопсуздугун камсыздоо бөлүмүнүн маалымат катчысы Айбек Сатыбалдиев Sputnik Кыргызстан агенттигине билдирди.
Маалыматка ылайык, окуя 18-июлда саат 23.50лөр чамасында Бишкек — Ош жолунун 291-чакырымында болгон.
"Бишкек шаарынын 42 жаштагы тургуну Mersedes Benz унаасы менен Ош шаарынан чыгып, борбор тарапка бара жаткан. 39 жаштагы жаран Mercedes-Benz Sprinter жүк ташуучу унаасы менен Ошту көздөй келатып рулду башкара албай калган", — деп айтылат билдирүүдө.
Жыйынтыгында экөө кагышып, кырсыктын кесепетинен жеңил унаанын айдоочусу менен анын 15 жаштагы уулу ооруканага түштү.
Бул факты учурда Кылмыштар жана жоруктардын бирдиктүү реестрине Жазык кодексинин 297-беренеси («Жол коопсуздугунун эрежелеринин сактабоо») боюнча катталды.
Тиешелүү экспертизалар дайындалып, териштирүү иштери жүрүп жатат.
Эки унаа тең айып короого киргизилди.
