Атай Өмүрзаковдун тобунун бийин көргөн калыстар көзүнө жаш алды. Видео

Жазылуу
Калыстардын көзүнөн жаш кылгырды. Атай Өмүрзаковдун бийчилеринин сынактагы видеосу

Бийчи Атай Өмүрзаков менен анын "Тотем шоу" тобу Кытайда өткөн World's Got Talent шоусунун финалында бийлешти.

Сынакта кыргызстандык бийчилер жетимдер үйүндө чоңойгон балдардын тагдырын чагылдырды. Анда бала багып алганы келген ата-энелер жалаң ден соолугу жакшы бөбөктөрдү алып кетип, аягында майып кыз калып калат. Муну көргөн калыстар көзүнө жаш алды. Ал ирмемдерди экинчи видеодон көрүүгө болот.

"Бул чыныгы турмуштан алынган окуя. Көптөн бери аны бий менен чагылдыралы деп максат кылып жүрүп, эми ишке ашырдык", — деди Өмүрзаков калыстардын алдында сүйлөп жатып.

Sputnik Кыргызстандын кабарчысы Атай Өмүрзаков менен байланышканда, ал сынакта жеңишке жете алышпаганын билдирди. Бийчилер долбоорго апрель айынан бери катышып, финалга чыккан.

"Тотем шоу" тобу "Үмүт-Надежда" балдар үйүнөн чыккан бийчилерден куралган "Тумар" тобу менен биргеликте түзүлгөн. Жетекчиси — Атай Өмүрзаков.

Жаңылыктар түрмөгү
0