БИШКЕК, 26-июн. — Sputnik. Кыргызстандын интернет айдыңында көнүгүүлөрдү жасап жатып сууга кулап кеткен кыздын видеосу талкууланып жатат.
If the yoga picture wasn't worth it or if I don't make it on America's Funniest Home Videos it was not worth it at all pic.twitter.com/YSnBNIptTL
— Chisa(; (@Chisamariee) 17 мая 2017 г.
Соцтармактын колдонуучулары Бишкектин четиндеги "Теплые ключи" эс алуу жайында 23-июнда болгон трагедиянын видеосу деп айтышууда.
ӨКМдин кызматкерлери, ата-энеси жана туугандары кызды түнү менен издешкен. 24-июнь күнү түштөн кийин анын сөөгү табылган.
Чүй облустук Ички иштер башкы башкармалыгы интернетте тарап жаткан видео Чүйдө тартылбаганын жана 23-июндагы окуя менен байланышы жоктугун Sputnik Кыргызстан агенттигинин кабарчысына маалымдашты.
Видеону Twitter тармагынын Chisamariee аттуу колдонуучусу 2017-жылдын 17-майында жүктөгөн. Профилдеги маалыматка караганда, ал Лос-Анджелесте (АКШ) жашайт.
YouTube каналынын Roads L аттуу колдонуучусу болсо видеону 2017-жылдын 5-декабрында жүктөгөн. "Мэри Чиза камераны күйгүзүп, көнүгүүлөрдү жасап кирген. Бирок бир маалда сууга кулаган. Бактыга жараша, окуя кайгылуу аяктаган жок. Антпесе бул видеону көрбөй калмакпыз...", — деп жазган ал.
Мындан сырткары, кадрдан америкалык кыз сууга күндүз кулаганын көрүүгө болот. Ал эми «Теплые ключидеги» окуя кечке жуук болгон.
Чүй облустук милициясы 15 жаштагы кыздын өлүмү боюнча сотко чейинки териштирүү ишин баштады. Факты Кылмыштардын жана жоруктардын бирдиктүү реестрине каттоого алынып, экспертиза дайындалды.
