БИШКЕК, 20-июн. — Sputnik. Ош шаарында 23-июнь күнү биринчи жолу "Мол булак Ош деми" жарышы өтө турганын уюштуруучу болгон "Тонус" коомдук фондусу билдирди.
Маалыматка ылайык, иш-чарадан улам шаардагы жабылчу көчөлөрдүн картасы даярдалган.
"Жарыш саат 7.00дө башталат. Мындан улам саат 6.00дөн 10.00гө чейин Ленин жана Исанов көчөлөрү жабылат. Жалпысынан эки аралык каралган: үч (12 жаш жана андан улуулар) жана 10 чакырым (16 жаш жана андан улуулар). Андан тышкары, 4-7 жаштагылар үчүн 200 метрлик жана 8-10 жаштагылар үчүн 500 метрлик мелдеш бар", — деп айтылат маалыматта.
Жарышка катышуу үчүн маалыматты www.tonus.kg сайтынан же (0555) 90-93-09, (0501) 90-93-09 телефондору аркылуу алууга болот. Каттоо 22-июнда аяктайт.
Sputnik Кыргызстан маалымат агенттиги — иш-чаранын эл аралык медиа өнөктөшү.
