Радиостудия Sputnik Кыргызстан в Бишкеке - Sputnik Кыргызстан
Радио

Маратбеков: чакан ГЭСтер электр энергиясынын тартыштыгын жоёт

© Sputnik / Эркин СадыковӨнөр жай, энергетика жана жер казынасын пайдалануу мамлекеттик комитетине караштуу кайра жаралуучу энергия бөлүмүнүн башкы адиси Бекнур Маратбеков
Өнөр жай, энергетика жана жер казынасын пайдалануу мамлекеттик комитетине караштуу кайра жаралуучу энергия бөлүмүнүн башкы адиси Бекнур Маратбеков - Sputnik Кыргызстан
Жазылуу
Өнөр жай, энергетика жана жер казынасын пайдалануу мамлекеттик комитетине караштуу кайра жаралуучу энергия бөлүмүнүн башкы адиси Бекнур Маратбеков бүгүнкү күндө кошумча электр энергиясын өндүрүүчү булактар зарыл болуп жатканын айтты.
Маратбеков: чакан ГЭСтер электр энергиясынын тартыштыгын жоёт

Чакан ГЭСтер өлкө аймагындагы электр энергиясынын тартыштыгын жоюуга чоң көмөкчү болот. Бул тууралуу Бекнур Маратбеков Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, инвесторлорго жана ишкерлерге өкмөт тарабынан тийиштүү жеңилдиктер каралган.

"Калктын саны өскөн сайын электр энергиясына болгон талап да күчөй баштайт. Бүгүнкү күндө өлкө аймагы боюнча курулуш иштери көбөйүп, аны менен бирге ар кыл багыттагы бизнес чөйрөсү да кеңейүүдө. Өз учурунда алардын баары тийиштүү деңгээлде электр энергиясы менен камсыздалышы керек. Бирок учурда өндүрүлгөн энергиянын кубаттуулугу жетишсиз болуп, анын тартыштыгы байкалууда. Мындан улам кошумча энергия өндүрүүчү булактар зарыл болууда. Бул багытта өкмөт тарабынан да тийиштүү чаралар көрүлүп, бир катар долбоорлор демилгеленди. Электр энергиясын үнөмдүү пайдалануу боюнча мамлекеттик мыйзамга да өзгөрүүлөр киргизилип, кайра жаралуучу энергияны альтернатива катары өнүктүрүү пландалып жатат. Бул багытта Кыргызстан суу ресурстарына бай мамлекет болгондуктан, чакан ГЭСтерди курууга басым жасалууда. Аталган демилгени толук кандуу ишке ашырыш үчүн ГЭС курууга кызыкдар болгон ишкерлерге жеңилдиктер да каралган. Ага кошумча эгер электр энергиясын үнөмдүү пайдалануу майзамына өзгөртүүлөр киргизилсе, өкмөт алар өндүргөн электр энергияны сатып алууга милдеттеме алат", — деди Маратбеков.

Ал ошондой эле ар 5-6 жыл сайын болуп турган табигый өзгөрүүлөрдөн улам, Токтогул суу сактагычындагы суунун көлөмү болжол менен 2021-жылы эң төмөнкү деңгээлге түшөөрүн кошумчалады.

Жаңылыктар түрмөгү
0