БИШКЕК, 15-июн. — Sputnik. Индия премьер-министри Нарендра Модинин Кыргызстанга расмий визитинин жыйынтыгы боюнча бир топ документтерге кол коюлду. Бул туурасында президенттин маалымат кызматынан кабарлашты.
Кол коюлган документтер төмөнкүлөр:
Кыргыз жана Индия өкмөттөрүнүн ортосундагы эки тараптуу инвестициялык келишим;
Тоо кыркалар биологиясы жана медицина боюнча биргелешкен илимий-изилдөөчүлүк жөнүндө өз ара түшүнүшүү тууралуу өкмөттөр аралык меморандум жана Саламаттыкты сактоо жаатында кызматташуу жөнүндө өз ара түшүнүшүү тууралуу эки министрликтин ортосундагы меморандум;
Маалыматтык-байланыш технологиялар жаатында кызматташуу жөнүндө өз ара түшүнүшүү тууралуу меморандум;
Кыргызстандын Коопсуздук кеңешинин катчылыгы менен Индиянын Коопсуздук кеңешинин ортосундагы кызматташуу жөнүндө меморандум;
Кыргызстандын Куралдуу күчтөрүнүн Улуттук гвардиясы менен Индиянын Коопсуздук боюнча улуттук гвардиясынын ортосундагы жана Кыргызстандын Аскер институту менен Индиянын Улуттук коргоо академиясынын ортосундагы өз ара түшүнүшүү тууралуу меморандум;
Кыргызстандын Куралдуу күчтөрүнүн Аскер тоо-кыркалар мектебинин ортосундагы өз ара түшүнүшүү тууралуу меморандум;
Кыргызстандын Инвестицияларды илгерилетүү жана коргоо боюнча агенттиги менен Индия Экспорттук-импорттук банкынын ортосундагы кызматташуу жөнүндө меморандум;
Кыргызстандын Экономика министрлиги менен Индиянын Соода жана укуктук метрология боюнча өнөр жай министрлигинин ортосундагы өз ара түшүнүшүү жөнүндө меморандум;
Кыргыз улуттук агрардык университети менен Индиянын Багбанчылык жана токой чарба университеттеринин ортосундагы өз ара түшүнүшүү тууралуу меморандум;
Стратегиялык өнөктөштүк мамилелерин орнотуу жөнүндө биргелешкен декларация жана соода-экономикалык кызматташуу боюнча жол картасы.
Быйыл май айында Жээнбеков Индияга барып, премьер-министри Нарендра Модинин чакыруусу менен анын инаугурация аземине катышып келген.
