БИШКЕК, 7-июн. — Sputnik. Ажыга барчуларды эмдөө 10-июндан 20-июнга чейин жүргүзүлөт. Бул тууралуу муфтияттын маалымат кызматы билдирди.
"Жарыяланган мөөнөт ичинде эмдөөдөн өтпөй калган ажыга барчу талапкерлерге виза ачылбайт. Андыктан белгиленген мөөнөт ичинде эмдөөдөн өтүүгө чакырабыз", — деп айтылат маалыматта.
Муфтият, андан сырткары, эмдөө боюнча суроолор болсо төмөнкү телефондорго чалып, кайрылууну өтүнөт.
- Бишкек шаары — 0776337745;
- Ош облусу — 0779808989;
- Ош шаары — 0778779633;
- Баткен облусу — 0771401923;
- Жалал-Абад облусу — 0772207319;
- Чүй облусу — 0557370454;
- Талас облусу — 0773644487;
- Нарын облусу — 0700484754;
- Ысык-Көл облусу — 0777194784.
Быйыл Сауд Аравия падышачылыгы Кыргызстанга 5510 квота бөлгөн. Ал эми ажылык сапардын баасы 3000 доллар деп бычылган.
