БИШКЕК, 4-июн. — Sputnik. "Бишкекжылуулукэнерго" ишканасы 14-июнга чейин борбор калаанын айрым жерлеринде ысык сууну кайрадан өчүрүүгө аргасыз. Бул тууралуу муниципалитеттин маалымат кызматынан билдиришти.
Ысык суу төмөнкү даректерде болбойт:
- Патрис Лумумба көчөсү №48-110;
- №110 бала бакча;
- Кустанай көчөсү, №38, 40;
- Астрахань көчөсү, №33;
- Нарвская көчөсү;
- Профсоюз көчөсү;
- Сельпо көчөсү;
- Жибек Жолу, №625.
Ысык суунун токтотулушуна "Газпром Кыргызстан" ишканасы тарабынан жүргүзүлүп жаткан газ түтүктөрүн ремонттоо иштери себеп болууда.
Эске салсак, Бишкекке ысык суу 3-июндан тарта, тагыраагы, мөөнөтүнөн үч күн мурун бериле баштаган.
Шаар тургундары ысык сууга байланыштуу маселелер боюнча "Бишкекжылуулукэнерго" ишканасынын 0312 21-28-47 номерине кайрылса болот.
