ОШ, 4-июн. – Sputnik. Баткен районунун Лейлек районунда жергиликтүү жашоочулар Исфана — Андарак жолун бир суткадан бери тосуп турушат. Бул тууралуу жергиликтүү жашоочулар Sputnik Кыргызстан агенттигине билдиришти.
Мындай маалыматты облустук милициянын маалымат катчысы Дамира Юсурова дагы тастыктады.
Маалыматка караганда, Андарак айыл өкмөтү 1999-жылы беш гектар жерди ижарага берген. Ал жерге жашылча-жемиш айдалган. Эл ошол дарыланган жашылчаларды сугаруудан агып чыккан химикат таза сууга кошулуп жатат деп нааразы. Жергиликтүүлөр бул жер тилкени үлүш катары элге бөлүп берүүнү дагы талап кылышууда.
Мындан сырткары, ошол жерге курулган үйлөрдү буздуруу талабы дагы коюлду. Жергиликтүүлөр 4-июнга караган түнү үйлөрдү өздөрү бузууга аракет жасашкан. Бирок күч органдары буга жол берген эмес.
Учурда 60ка жакын киши жолду бууп турат. Ал эми облустук милиция жана башка күч түзүмдөрүнүн өкүлдөрү элди тынчтандырууга аракет жасоодо.
