БИШКЕК, 31-май — Sputnik. Улуттук коопсуздук мамлекеттик комитетинин (УКМК) кызматкерлери Чүй ОИИБинин Криминалдык милиция кызматынын жетекчисинин орун басары менен дагы бир кызматкерин кармады. Бул тууралуу Sputnik Кыргызстандын кабарчысына УКМК менен милициядагы ишенимдүү булактар билдирди.
Окуя Токмок шаарында болгон. Бир тууган милиционерлердин жанында травматикалык курал жана чолок мылтык болгон.
Алдын ала маалыматтарга караганда, алар курал сатууга аракет кылып жатышкан. Ошондой эле милиционерлерге уюшкан кылмыштуу топ түздү делген айып тагылууда.
