БИШКЕК, 30-май — Sputnik. Президент Сооронбай Жээнбеков бүгүн, 30-майда, парламенттен колдоо тапкан өкмөт мүчөлөрүн кызматка дайындоо боюнча Жарлыкка кол койду. Бул туурасында мамлекет башчынын маалымат кызматынан билдиришти.
Ага ылайык, Эркинбек Чодуев айыл чарба, тамак-аш өнөр жайы жана мелиорация министри, Санжар Мукамбетов экономика министри болуп дайындалды. Ал эми Дастан Догоев Маалыматтык технологиялар жана байланыш мамлекеттик комитетинин төрагасы, Самат Кылжыев өкмөт аппаратынын жетекчиси кызматына бектилди.
Белгилей кетсек, кечээ төрт жетекчинин талапкерлиги парламентте каралып, эл өкүлдөрү бир добуштан колдоп беришкен. Өз кезегинде премьер-министр Мухаммедкалый Абылгазиев кесипкөй, чечкиндүү реформага бара турган талапкерлерди сунуштаганын билдирген.
