БИШКЕК, 28-май — Sputnik. Башкы прокуратура Кыргызстандын социал-демократтар партиясынын (КСДП) Юстиция министрлигинен кайрадан каттоодон өтүүсүн Кылмыштардын жана жоруктардын бирдиктүү реестрине каттап, кылмыш ишин козгоду. Бул тууралуу көзөмөл органынын маалымат кызматынан кабарлашты.
Билдирмеге ылайык, соттук өндүрүш иштери КРдин Жазыктар кодексинин 320-беренесине (Кызмат абалынан кыянаттык менен пайдалануу) ылайык башталып, топтолгон материалдар УКМКга жөнөтүлдү.
Эске салсак, Сагынбек Абдрахманов 3-апрелде КСДПнын съездин өткөрүп, саясий кеңеш бекитилип, партиянын төрагалыгына шайланган. Ал эми Алмазбек Атамбаев башында турган КСДПчылар үч күндөн кийин өз съездин өткөргөн. Юстиция министрлиги алардын дарегине Сагынбек Абдрахмановдон партиянын курамы, жетекчиси жана дареги алмашканы боюнча билдирүү келгенин маалымдаган.
Өз кезегинде Атамбаев башкы прокурорго Юстиция министрлигине чара көрүү үчүн кайрылган.
