БИШКЕК, 13-май — Sputnik. Кыргызстандык спортчу Билимбек Алмаматов Чикаго шаарында өткөн жиу-житсу боюнча эл аралык турнирде чемпиондук курга ээ болду. Маалымат менен спортчу Instagram баракчасы аркылуу бөлүшкөн.
Мелдешти америкалык NAGA (North American grappling Association) спорттук уюму уюштурган. Анда Билимбек Алмаматов 77 килограмм салмакта кимоносу жоктор (No Gi) арасында күч сынашып, жергиликтүү спортчуларды жеңген. Натыйжада ага NAGA чемпиондук куру берилген.
Посмотреть эту публикацию в Instagram
Ошондой эле Алмаматов Лас-Вегас шаарында өтө турчу жиу-житсунун бразилиялык түрү боюнча дүйнө чемпионатына даярданып жатканы кошумчаланды. Ал жиу-житсу боюнча мелдештерде 18 алтын, 6 күмүш жана 2 коло медаль алган.
